Pơhiăp klah čun glăi, Khua ping gah, Khua mir sir ơi Tô Lâm lăi dlăm 6 mơta bruă akŏ phun kiăng pơƀut ngă, amăng anun khŏm pơsir đut hlao bruă pioh sui đơi, hơdôm tơlơi ngă kơđông hơmâo črâo pơƀuh; pran jua ngă bruă lĕ anom bruă pơpă thơ git gai khŏm gơgrong bruă truh giong kah mơ̆ng lui, khŏm djơ̆ hrơi hăng klă. Ñu kiăng, pơtrut đĭ kyar pơkra tơlơi pơhing hră pơ-ar djŏp mơta hăng hơdôm glông plang dưi mă yua hrŏm, pơjing rai anŏ yom sit nik kơ anom bruă, mơnuih ƀôn sang, anom mơdrô, pơjing anih mơdrô hơmâo djŏp hră pơ-ar, pơtrut bơwih ƀong mrô hăng djru pơđĭ rơnoh bơwih ƀong.

Khua ping gah, Khua mir sir ơi Tô Lâm pơtă kiăng hơdor, khŏm bong kjăp rơnuk rơnua plang internet, rơnuk rơnua tơlơi pơhing, hăng pơgang djŏp tơlơi pơhing, hră pơ-ar dêh čar, yua dah sit nik brơi ƀuh, mă yua boh thâo mrô jai dlăm lĕ amuñ ƀu rơnuk rơnua, amuñ hơmâo arăng dŏp mă, ba pơƀuh gah rơngiao, mut ngă sat amăng plang internet, mơnuih ngă soh amăng internet, tơlơi pơhing pơƀlor mă đôč jai kơtang tui. Ñu lăi rơđah, tơlơi pơsit dưi ngă truh kih amăng mông anai lĕ tơlơi ta ngă tui, khŏm djơ̆ tơlơi pơtrun, khin pơmin khin ngă, gơgrong bruă hăng nao hlâo ngă bruă mơ̆ng pô khua./.