Yap mơ̆ng kơnôl 15 truh kơnôl 18/8, hơdôm boh să Krông Pač, Čư̆ Mgar, Krông Năng hăng pok sang čơ amăng Online ƀơi anih pơda gơnam sĭ mơdrô jơnum prong sang čơ gah gơnam boh sâù riêng tơring čar Dak Lak hơmâo pơphun 8 wơ̆t livestream, hơmâo pơhưč rơbêh 2 klăk wơ̆t mut ĕp, sem lăng.

Amăng anun, rim wơ̆t livestream sĭ mơdrô boh sầu riêng ƀơi să Krông Năng ba glăi lu boh tơhnal tŭ yua hloh, yua hơmâo hră rơkâo blơi 5000 pok hră, sĭ mơdrô 24 tơn boh sầu riêng, prăk pơhrui glăi 2,4 klai prăk.

Hrŏm hăng bruă sĭ mơdrô boh sầu riêng online lĕ, hơdôm wơ̆t livestream do lăi pơthâo, pôr brơi 21 mơta gơnam sĭ mơdrô djơ̆ hnơ̆ng OCOP mơ̆ng lu sang bruă mơdrô, anom ngă hrŏm hăng sang anŏ sĭ mơdrô amăng plơi pla.

Ngă hrŏm tal livestream ƀu kơnong hơmâo KOL, ƀing mơnuih hmư̆ hing, KOC mơnuih blơi yua hmư̆ hing thâo rơgơi đôč ôh, dŏ hơmâo lu khua jua, mơnuih apăn bruă kơnuk kơna, mơnuih tơpuôl, khul tơdăm dra mut phung, ƀing ngă bruă mơdrô hăng ƀing thâo tơlơi phiăn, bruă ngă amăng plơi pla.

Jơlan hơdră “Rim să hơmâo sa KOL, KOC sĭ mơdrô sầu riêng online” pơjing sa tơlơi kơđŏm phrâo pơtrut pơsur bruă sĭ mơdrô ƀơi mông jơnum ngui bruă sầu riêng Dak Lak thun 2026, laih dơ̆ng pok brơi anŏ gêh găl ba boh sầu riêng Dak Lak truh pơ mơnuih blơi yua amăng dêh čar hăng ƀơƀrư̆ pơjing rai bruă ngă sĭ mơdrô amăng điệnt ử hruaih hloh mơ̆ng plơi pla mơtam.