Amăng 5 hrơi pơdơi mơng kơnôl 29/8 truh kơnôl 2/9, mrô tuai nao čuă ngui, dŏ glăi amăng tơring čar Lâm Đồng giăm 680.000 čô, đĭ 15% pơhmu tui tơđar thun hlâo. Pơhrui mơng tuai čuă ngui him lăng giăm 1.410 klai prăk. Tuai dŏ glăi lu dong mơng kơnôl 19/8 truh kơnôl 1/9. Sang jưh tuai pơhlôm mơng 65-70%; kơnong hơdôm sang jưh tuai pơprong mơng 3-5 asar pơtŭ mơng 80-85%. Amăng hơdôm hrơi lu mơnuih hloh mơng kơnôl 30/8 truh kơnôl 1/9, lu sang jưh tuai pơhlôm brơi 100%.

Amăng hrơi pơdơi thun anai, bruă tuai čuă ngui ƀơi Lâm Đồng pơhlôm dik dak hăng lu bruă tui gru grua, ngui ngor mơ-ak; tơdron rơdêh pôr jar kmar Liên Khương dưi pok glăi pơhlôm ngă tơkuh nao rai, pơhưč lu tuai. Nua sang jưh tuai hăng hơdôm tơlơi bơwih bơwang pơhlôm hơđong, đĭ ƀiă pơhmu hăng hrơi pơkŏn, huăi ƀuh arăng pơgô̆ đĭ nua, pơgô̆ tuai blơi yua gơnam. Bruă pơhlôm rơnuk rơnua, hơđong amăng jơlan glông, pơgang apui ƀong hăng rơnuk rơnua ƀơi hơdôm kual, anih čuă ngui hơmâo pơhlôm klă.