Mông jơnum hơmâo ruah Khul apăn bruă git gai Ping gah tal phrâo. Ơi Lương Quốc Đoàn ăt hơmâo ruah ngă Khua khul mơnuih ngă hmua Việt Nam tal 9. Mut amăng rơwang phrâo, Khul pơplih kơtang hloh, mơ̆ng iâu pơthưr jing gum ngă hlao, kiăng pơmut thim 500.000 čô ding kơna dong, djru akŏ pơdong aset biă ñu 5.000 boh anom bơwih ƀong ngă hmua hăng măi mok boh thâo mrô kơ aset biă mă ñu 70% čô ding kơna.

Mông jơnum tŭ ư mă yua hơdră pơplih prong či akŏ pơjing khul mơnuih ngă hmua rơgơi, apăn bruă, pơtrut ngă hmua hơdjă mơtah mơda, hăng mă yua ia rơgơi mrô, akŏ pơjing phun atur kjăp phik, ba gơnam mơ̆ng hmua Việt Nam hrưn truh pơ jar kmar. Pơhiăp git gai mông Jơnum, ơi Trần Cẩm Tú, Ding kơna Ding jum kơđi čar, Khul khua git gai ping gah đăo kơnang: Amăng rơwang bruă phrâo, anăp nao ngă lơphet 100 thun akŏ pơdong Ping gah Cộng sản Việt Nam, anom bruă Khul ngă hmua djŏp gưl hăng bruă kơtưn mơ̆ng mơnuih ngă hmua Việt Nam amra hơmâo tơlơi pơplih, đĭ kyar phrâo, ba glăi boh tŭ yua prong hloh, ngă truh kih Tơlơi pơtrun jơnum ping gah tal 14, akŏ pơdong lŏn ia rơngai, mơ-ai pô, ngă pô, pơdrong sah, thâo rơgơi, yâo mơak./.