Pơhiăp amăng mông jơnum, ơi Trần Cương, ding kơna apăn bruă ping gah dêh čar Khač, Khua git gai ping gah kual wai lăng mă pô djuai ania Choang, tơring čar Quảng Tây hrom ƀing khua mua amăng grup pơ ala dêh čar Khač, ơi Trần Đại Thắng, ding kơna apăn bruă ping gah dêh čar Việt Nam, Khua git gai ping gah tơring čar Quảng Ninh lăi pơtong, Ping gah, kơnuk kơna hăng mơnuih ƀôn sang Việt Nam lăng yom biă mă bruă ngă kơjăp tui hăng pơđĭ kyar giăng mah rô nao rai yom phara plah wah Việt Nam-Khač; lăng kơ bruă  pơđĭ kyar gơyut gơyâo pŭ ƀăn sui thun, ngă hrŏm kiăng dua bơnah hơmâo boh tŭ yua soh hăng dêh čar Khač.

Amăng jơlan hơdră, Khua git gai ping gah 5 boh tơring čar hăng kual lŏn ngă hrŏm hơmâo kĭ hră hơdor pioh mông bơkơtuai, pôr pơthâo ƀôn prong Hải Phòng sit nik mut phung ngă hrŏm Bưp nao rai akŏ thun phrâo hăng ding kơna Jơnum min ngă bruă hrŏm anai kơñ pơgi adih.