Jơnum min apăn bruă phun pơ ala mơnuih ƀôn sang dêh čar pơgôp hiăp, hră lăi pơthâo, čih pioh, ming pơkra glăi Hơdrôm hră Tơlơi phiăn Tuh tia pơkra ming boh thâo ia rơgơi mrô; čih pơkra glăi tơlơi phiăn bruă mă pơhrua phrâo; tơlơi phiăn  pơhrua phrâo hơdôm tơlơi amăng bruă pôr pơhưč; tơlơi phiăn pơhrua phrâo pơkă hơnơ̆ng djơ̆ lăp hăng hơdră pơkă hơnơ̆ng mơneč mă bruă.

Hrŏm hăng anun, Jơnum min apăn bruă phun pơ ala mơnuih ƀôn sang dêh čar sem glăi, pơsit hră pơtrun mơ̆ng lu anom bruă pơkă tum teč hloh pơphun bưp mơnuih ruah khua pơ ala mơnuih ƀôn sang dêh čar, ƀing pơ ala mơnuih ƀôn sang djop gưl; Hră pơtrun mơ̆ng Jơnum min apăn bruă phun pơ ala mơnuih ƀôn sang dêh čar pơkă kơ bruă ngă tui tơlơi dưi ngă khua pô amăng djop sang bruă kơnuk kơna, djop sang bruă pơ ala mơnuih ƀôn sang dêh čar, pơ ala mơnuih ƀôn sang djop gưl.  Ƀrô djơ̆ tal anai, Jơnum min apăn bruă phun pơ ala mơnuih ƀôn sang dêh čar pơgôp hiăp kơ bruă prăp lui jơnum lok 9 ječ ameč, khua mua pơ ala mơnuih ƀôn sang tal XV.