Nao jơnum hrŏm hơmâo 793 čô khua pơ ala sit nik, ƀing đah kơmơi ba gru hlâo, mơ̆ng djop khul grup, djop djuai ania, tơlơi đăo, amăng djop bruă mă hăng khul mơnuih mơnam amăng dêh čar. Jơnum tal anai pơtong rơđah boh tơhnal dưi ngă mơ̆ng khul đah kơmơi hrơi hăng bruă rơwang thun 2022-2026, dăp akŏ bruă, tơhnal či ngă, bruă glăm ba hăng hơdră pơsir amăng khul, bruă gum ngă hrŏm amăng khul rơwang bruă mơ̆ng thun 2026-2031.

Amăng tal jơnum ruah khua anai, amra ruah ding kơna apăn bruă khul  ƀơi gơnong dlông kơ Khul đah kơmơi Việt Nam tal XIV, rơwang bruă thun 2026-2031; jơnum anai ăt pơtum pơčrong sai kơ boh yom phun, pok pơhai či ngă tui hơmâo: Ăt pơblih phrâo boh yom phun, jơlan hơdră mă bruă amăng khul; djru hrŏm lu hloh amăng bruă akŏ pơdong ping gah hăng glông bruă kơđi čar kiăng rơgoh, tơpă, kơjăp kơtang; akŏ pơdong khul ngă bruă đah kơmơi mut phung Việt Nam phrâo, rơgơi, djru pơđĭ kyar gru grua hiam hăng ană mơnuih Việt Nam; tơlơi gơgrong ba mơ̆ng đah kơmơi hrơi pơđĭ kyar bơwih ƀong huă, djru hrŏm ngă tui tơhnal pơkă pơđĭ kyar hmar hloh, kơjăp kơtang kơ lŏn ia; Pơbŭ đĭ rơnoh yom sang anŏ Việt Nam “thâo rơgơi, mơbruă, trơi pơđao, yâo mơak”.