Kơ-iăng Khua dêh čar ơi Trần Lưu Quang, Khua git gai hơdôm ding jum, gơnong bruă, khua tơring čar Daklak găn rơgao hơdôm tal, khua pơ ala kơ hơdôm anom pla, pơkra hăng sĭ kơ phê kơ dêh čar tač rơngiao amăng dêh čar ta hăng jar kơmar hrom hăng lu neh wa djop djuai ania amăng tơring čar hăng tơring čar pơkon nao pơhmư̆.

Hăng anăn ñu “Buôn Ma Thuột – anih nao mơng kơ phê rŏng lŏn tơnah”, Jơnum ngui kơ phê Buôn Ma Thuột tal 8 pơtŏng sit dong hăng pơđĭ tơhnal gơgrong kơ phê Việt Nam ƀơi anih anom sĭ mơdrô rŏng lŏn tơnah. Pơhiăp amăng mông ngă lơphet, Kơ-iăng Khua dêh čar ơi Trần Lưu Quang lăi rơđah Khua tơring čar khom pơdŏng bruă lăi pơhư̆č, marketing, pơsit anăn păn lăp djơ̆ hăng bôh thâo mơng pô. Pơtrut kơtang pơđĭ kyar kơ phê klă hiam, kơ phê pha ra mơng Việt Nam hăng anô̆ jơman pha ra, biă ñu dưi tŭ yap tui tơhnal pơkă jar kơmar djơ̆ hăng tơlơi kiăng yua, mơnuih blơi yua jai hrơi kiăng klă hiam hloh./.