Pơphun amăng 2 hrơi, amăng mông jơnum anai, Jơnum min apăn bruă Khua pơ ala mơnuih ƀôn sang gum pơhiăp hăng hơdôm rơwang bruă tơlơi phiăn amra dưi lăi pơthâo kơ Khua pơ ala mơnuih ƀôn sang amăng Tal jơnum lok 7 pioh pel ĕp tal blung a. 5 rơwang bruă Tơlơi phiăn dưi gum pơhiăp amăng mông jơnum tui akô̆ bruă tơlơi phiăn tal anai hmâo: Tơlơi phiăn pơsit hră pơ-ar (pơplih pơkra); Tơlơi phiăn Khul mut phung (pơplih pơkra); Tơlơi phiăn pơgang pơgăn sĭ mơnuih (pơplih pơkra); Tơlơi phiăn wai lăng mă yua phao kơtuang gơnam pơtuh hăng gơnam ngă pơtuh (pơplih pơkra) hăng Tơlơi phiăn pơgang rơhuông adai mơnuih ƀôn sang.

Tui Khua git gai wai lăng pơ ala mơnuih ƀôn sang dêh čar ta ơi Vương Đình Huệ, Tơlơi phiăn pơgang rơhuông adai mơnuih ƀôn sang lĕ rơwang bruă Tơlơi phiăn phrâo, pơkă pơplih phrâo hơdôm tơlơi pơmin hơdră pơtrun mơ̆ng Ping gah kơ bruă pơgang lŏn ia amăng rơnuk phrâo. Amăng mông jơnum anai, Jơnum min apăn bruă Khua pơ ala mơnuih ƀôn sang ăt gum pơhiăp mơn kơ hră čih pơkra Tơlơi pơtrun pơsit kơ anih anom bruă mă hăng Khua pơ ala mơnuih ƀôn sang dêh čar mă bruă gơgrong ƀơi dêh čar, mơnuih apăn bruă mă bruă čar gah pô wai lăng mơ̆ng Jơnum min apăn bruă Khua pơ ala mơnuih ƀôn sang dêh čar./.