Pơhiăp amăng mông pok phun jơnum, Khua git gai pơ ala mơnuih ƀôn sang dêh čar ơi Trần Thanh Mẫn brơi thâo, hrŏm hăng bruă ngă giong dưm dăp mơnuih mă bruă, hơđong khul mơnuih mă bruă tơdơi kơ tơlơi phiăn, tơlơi pơtrun pơsit dưi hmâo Khua pơ ala mơnuih ƀôn sang dêh čar pel ĕp ƀơi Tal jơnum ƀu hmâo pơkă hlâo lok 9, hơdôm bôh ƀirô hmâo đing nao prong, gơgrong hlâo pơphun pok pơhai bruă tui kơčăo bruă pơhlôm hluh gah, na nao, biă ñu hmâo prăp lui djop hră pơ-ar hơdôm bôh yôm lăi pơthâo kơ Jơnum min apăn bruă Khua pơ ala mơnuih ƀôn sang dêh čar pel ĕp, gum pơhiăp amăng mông jơnum anai.

Mông jơnum anai, Khul apăn bruă Khua pơ ala mơnuih ƀôn sang gum pơhiăp kơ bruă lăi pơblang, tŭ mă pơplih pơkra hăng 3 rơwang bruă tơlơi phiăn hlâo kơ ba tơbiă tơlơi rơkâo gum pơhiăp amăng mông Jơnum khua pơ ala mơnuih ƀôn sang gơgrong bruă, tơdah kiăng hăng lăi pơthâo kơ Khua pơ ala mơnuih ƀôn sang pel ĕp amăng tal jơnum lok 9 pơ̆ anăp hmâo: hră čih pơkra Tơlơi phiăn sĭ blơi gơnam phara (pơplih pơkra), ră anai anom bơwih ƀong đing nao biă tơlơi anai; hră čih Tơlơi phiăn mă jia prăk pơhrui glăi mơ̆ng anom bơwih ƀong (pơplih pơkra); hră čih Tơlơi phiăn wai lăng hăng tuh pơplai prăk kơnuk kơna ƀơi anom bơwih ƀong...