Bruă pơdah prưng rup “Đah kơmơi hăng Điện Biên” hmâo 3 bôh yôm phun: djru ngă brơi truh kih Tlaih rơngai Điện Biên Phủ; yua kơ sa Điện Biên pơđĭ kyar hăng Điện Biên – anih ƀuăn mơ̆ng pơgi kơdih anai. Anai lĕ tơlơi hmâo amăng hơdôm bruă “Đah kơmơi đơ đam dêh čar anăp nao Điện Biên” ƀrô djơ̆ hrơi hơdor glăi 70 thun Tlaih rơngai Điện Biên Phủ, pioh ngă rơđah dong hơdôm pran jua tuh rơyuh mơ̆ng hơdôm gưl đah kơmơi Việt Nam amăng djop lŏn ia djru pran, djru jua jing laih rơngai Điện Biên Phủ gru grua.

Amăng čơtlăm lơ 4/3, Khul pơlir hơbit Đah kơmơi tơring čar Điện Biên ăt hmâo pok pơhun laih bruă “Ư-ang Điện Biên – Đah kơmơi čang rơmang đĭ kyar” hăng pơphun Bruă pơplông lăng nao rai mơ̆ng ataih “Hơduah ĕp lăng 70 thun Tlaih rơngai Điện Biên Phủ”. Bruă pơplông pơphun mơ̆ng 4/3-30/4 hăng hơdră prong, amra jing anih anom hơdor tơngiă dơlăm mơ̆ng adơi amai, mơnuih amăng khul kơ bruă gru grua yôm phăn, kual lŏn bă kơ tơlơi ư-ang Điện Biên Phủ sông kơtang./.