Tui hăng jơlan gah anai, 7 bôh anom bruă čar phrâo amra dưi pơjing hluai tui pơmut hrŏm hơdôm bôh să, phường hmâo ră anai, pơhlôm djơ̆ tui tơlơi pơkă kơ kual lŏn hăng mrô mơnuih. 7 bôh anom bruă čar phrâo anun lĕ phường Thống Nhất, phường Plei Ku, phường Diên Hồng, phường Hội Phú, phường An Phú, să Biển Hồ hăng xă Gao.

Bruă dưm dăp dưi pok pơhai hluai tui tơlơi pơsit abih bang hơdôm gru grua, bôh thâo đưm, anih anom hăng tơlơi pơđĭ kyar bơwih ƀong – mơnuih mơnam. Hơdôm bôh anom bruă čar phrâo lĕ kơ djơ̆ tui tơlơi pơkă mơ̆ng Ping gah dêh čar gah kual lŏn glai klô hăng mrô mơnuih ƀôn sang. Hrŏm hăng anun dô̆ ngă tui tơhnal gal, pran kơtang mơ̆ng rim anih anom, ngă gal brơi kơ pơđĭ kyar bơwih ƀong – mơnuih mơnam, djă kơjăp bruă pơgang lŏn ia – rơnuk rơnua plơi pla amăng rơnuk phrâo./.