Pơhiăp črâo ba amăng mông jơnum, Kơ-iăng Khua dêh čar ta ơi Trần Lưu Quang lăi rơđah, Dak Nông kiăng ruah mă amăng tuh pơplai hăng ngă pơhưč tuh pơplai. Ƀơi anăp khom pơsir 2 mơta tơlơi, pơkă kual lŏn čuah hăng pơkă kual mă yua lŏn. Pơkă kual ră anai akă dưi pơsir mơtăm ôh hơdôm tơlơi gun, samơ̆ hmâo pơsit jơlan gah, jơlan gah kơ tơring čar pơđĭ kyar pơ̆ anăp anai.

Kơ-iăng Khua dêh čar ta ơi Trần Lưu Quang ƀơk kơ Dak Nông 8 bôh pia “ngă tui, pơplih mă, ha amăng plĕ, thâo hluh” pioh pơđĭ kyar. Amăng mông jơnum, tơring čar Dak Nông hmâo jao laih hră tŭ yap tuh pơplai hăng 4 pô tuh pơplai hăng abih bang mrô prăk pơkă hlâo 1.700 klai prăk. Tơring čar ăt kĭ pơkôl djă pioh mơn bruă gum hrŏm hăng 4 pô tuh pơplai hăng abih bang prăk mă yua 8 klai 400 klăk dolar Mi, đing nao hơdôm bruă lŏn čuah, apui yua pơkra glăi, bruă đang hmua mă yua bôh thâo phrâo hăng sa dua bruă mă pơkon./.