Hră pơkă kual anai lĕ gơnam bôh thâo khul grŭp, gir run gum hrŏm hơbit yak rơgao tơlơi tơnap mơ̆ng Điện Biên tơdơi kơ 3 thun mơ̆ng hrơi Khua dêh čar pơsit bruă jao pơkă kual tơring čar. Mơ̆ng ră anai truh thun 2030, tơring čar Điện Biên ăt dưi pơkă mơn kiăng jing sa amăng hơdôm kual phun tuai čuă ngui, bơwih buang, bruă ia jrao mơ̆ng kual, nao hrŏm hăng 4 phun pơtrut đĭ, 3 kual bơwih ƀong hăng 4 bơnah đĭ kyar, mă bruă tuh pơplai anom mă yua jơlan nao rai nao hlâo lĕ pơplih phrâo.

Pơhiăp črâo ba amăng mông Jơnum lăi pơthâo, Kơ-iăng Khua dêh čar ơi Trần Hồng Hà lăi lĕ kual pơkă tơring čar amra pơjing pran pơtrut, pran lar hyu phrâo kơ Điện Biên. Khă hnun hai, anai phrâo yak pok phun, Điện Biên khom đing nao ngă tui ba glăi bôh tơhnal pơkă kual anăp nao pơđĭ kyar mơtah, kơjăp, lăp djơ̆ hăng tơhnal gal hmâo hơđăp./.