Mông ngă lơphet pok pơhai hơmâo pơphun dong amăng hơdră ngă bruă “500 hrơi mlă pơtrut kơtang bruă hyu ĕp, pơƀut glăi hăng ĕp brơi anăn apăn tơhan djai pơsăn drơi”, anăp nao tal hơdor glăi 80 thun Hrơi tơhan rơka-tơhan djai pơsăn drơi (27/7/2027). Đĭ pơhiăp git gai mông ngă lơphet, kơ-iăng Khua dêh čar yă Phạm Thị Thanh Trà, Khua khul git gai dêh čar kơ bruă hyu ĕp, pơƀut glăi hăng ĕp brơi anăn apăn tơhan djai pơsăn drơi lăi pơtong, bruă ĕp anăn brơi tơhan lĕ tơlơi glăm ba yôm phăn hăng ƀing mơnuih tuh drah pơčah asar yua kơ tơlơi rơnuk rơnua, rơngai lŏn ia ta. Ră anai đơ đam dêh čar ăt  dŏ rơbêh 175 rơbâo tơhan djai pơsăn drơi aka ƀu ĕp ƀuh tơlang, rơbêh 300 rơbâo boh pơsat aka ƀu thâo anăn.

Anai lĕ tơlơi bơngơ̆t prong biă mă hăng anih anom kơđi čar laih dong abih bang mơnuih ƀôn sang. Bruă bruă yôm phăn anai glăk pơtrut đơ đam dêh čar kiăng glăm ba ƀơi anăp gru grua sô hơđăp, laih dong kiăng ngă bruă tañ ƀiă. Tơdơi kơ mông ngă lơphet pok pơphun, ƀing khua mua nao lăng bruă tŭ mă drah asar ADN hăng ƀing mơnuih amăng sang anŏ tơhan djai pơsăn drơi ƀơi ƀôn prong Hà Nội.