Tơdơi kơ tơlơi pơhiăp mơng Khua git gai pơ ala mơnuih ƀon sang dêh čar ơi Vương Đình Huệ, Khua dêh čar ơi Phạm Minh Chính lăi pơthâo glăi tơlơi pơsit pơhrua tui bruă pơđĭ kyar bơwih ƀong huă - mơnuih mơnam hăng prăk kăk kơnuk kơna thun 2022; bruă pơđĭ kyar bơwih ƀong huă - mơnuih mơnam hăng prăk kăk kơnuk kơna hơdôm blan akŏ thun 2023. Khua Jơnum min djŏp djuai ania mơnuih mơnam Việt Nam ơi Đỗ Văn Chiến lăi pơthâo tum pơƀut glăi abih tơlơi pơgôp hiăp, rơkâo đĭ mơng mơnuih ƀon sang mơ-it kơ mông jơnum lok 5, Khua pơ ala mơnuih ƀon sang dêh čar tal 15.

Khua anom pơsir brơi tơlơi rơkâo mơng mơnuih ƀon sang Dương Thanh Bình lăi pơthâo bruă krăp lăng, pơsir tơlơi rơkâo đĭ mơng mơnuih ƀon sang mơ-it kơ mông jơnum lok 4, Ƀirô khua pơ ala mơnuih ƀon sang dêh čar tal 15. Lăp đing nao dong, Khua pơ ala mơnuih ƀon sang dêh čar pioh mông dŏ glăi amăng yang hrơi mơguah hăng yang hrơi tlam lơ 22/5 jơnum kơnong kơ bruă ruah khua.