Tui him lăng, Jơnum hơmâo pơphun amăng 2 wŏt, tal sa: dong mơng lơ 14-17/4/2025; tal 2 dong mơng lơ 22 truh mơguah lơ 28/4/2025. Lu črăn tơlơi phiăn yôm phun amra mă tơlơi pơgôp hiăp amăng mông jơnum mơng Jơnum min apăn bruă Khua pơ ala mơnuih ƀôn sang dêh čar. Amăng mông jơnum anai, Jơnum min apăn bruă Khua pơ ala mơnuih ƀôn sang dêh čar pơgôp hiăp kơ hră pơ-ar rơkâo: čih pơkra, pơhrua sa, dua tơlơi amăng phiah phiăn thun 2013; akŏ pơjing Jơnum min čih pơkra, pơhrua sa, dua tơlơi amăng phiah phiăn thun 2013; mă tơlơi pơgôp hiăp mơng mơnuih ƀôn sang kơ črăn čih pơkra, pơhrua sa, dua tơlơi amăng phiah phiăn thun 2013.

Jơnum min apăn bruă Khua pơ ala mơnuih ƀôn sang dêh čar ăt sem lăng, tŭ yap mă yua tơlơi pơtrun mơng Jơnum min apăn bruă Khua pơ ala mơnuih ƀôn sang dêh čar kơ bruă dưm dăp anih anom mă bruă (plih hĭ tơlơi pơtrun mrô 35/2023 mơng Jơnum min apăn bruă Khua pơ ala mơnuih ƀôn sang dêh čar tal 15 kơ bruă dưm dăp anih anom gưl tơring glông, să rơwang thun 2023-2030).