Mơguah lơ 15/3, ƀơi Hà Nội, Ping gah djop anom bruă Gơnong dlông ngă hrom hăng sang bruă Hră pơhing Cộng sản, Gong phun jua pơhiăp Việt Nam, Hră pơhing Nhân dân, Gong phun pơdah rup Việt Nam hăng sang bruă Thống tấn xã Việt Nam, pơphun tal pơplông čih kơđi atur pơgang tơlơi pơmin mơ̆ng Ping gah thun 2023 amăng ping gah djop sang bruă gơnong dlông. Khua git gai ping gah khul djop sang bruă kơnuk kơna gơnong dlông, ơi Nguyễn Văn Thể lăi rơđah, Tal pơplông anai jing mông pơčrông sai bruă kơđi čar pioh kơ abih bang amăng ping gah, mơnuih ƀôn sang, ling tơhan amăng dêh čar ngă hrom pơgang atur tơlơi pơmin mơ̆ng Ping gah.

Yua kơ anun, djop anom bruă ping gah khul sang bruă kơnuk kơna ƀơi gơnong dlông pok pơhai ngă tui hur har, pơjing rai bruă mă pơtrut pran jua amăng ping gah, ngă bruă tŭ yua hloh. Laih dơ̆ng rơkâo, djop sang bruă ngă gêh găl kơ mơnuih ping gah, ƀing khua mua kơsem min, hơduah ĕp čih pơplông tŭ yua hloh, lăi nao djơ̆ jơlan hơdră mơ̆ng ping gah hăng kơnuk kơna dưi pok pơhai ngă tui amăng djop sang bruă, anom bruă ba glăi boh tơhnal tŭ yua klă; ăt kah hăng pơgôp hiăp brơi pơsir tơlơi kơƀah, tơdu kiăng ĕp hơdră pơsir hĭ djơ̆ lăp. Mơ̆ng anun, kiăng pơlar tui tơlơi bơngač hiam amăng tơlơi hơdip, ăt kah hăng amăng bruă mă mơ̆ng rĭm čô pơmin nao kơ bruă pơgang atur tơlơi pơmin tơpă mơ̆ng Ping gah.