Khua git gai Ping gah ơi Tô Lâm git gai hăng hơmâo tơlơi pơhiăp pơphun brơi mông jơnum yôm anai. jơnum tal anai amra bơkơtuai, pơgôp hiăp hăng 15 tơlơi, pơƀut amăng dua mơta bruă phun, anun lĕ bruă dăp glăi anom bruă kơđi čar, anom bruă kơnuk kơna hăng gong gai 2 gưl hơmâo 8 kơčăo bruă mơ̆ng Hră lăi pơthâo, dua lĕ bruă prăp rơmet Jơnum ruah khua Ping gah djŏp gưl tal 14 hăng ruah Khua mua pơ ala mơnuih ƀôn sang dêh čar tal 16 hăng Jơnum min pơ ala mơnuih ƀôn sang djŏp gưl rơwang thun 2026-2031 hơmâo 7 kơčăo bruă hăng hră lăi pơthâo.

Kơ bruă prăp lui Jơnum Ping gah dêh čar tal 14 hăng ruah khua pơ ala mơnuih ƀôn sang dêh čar tal 16, Jơnum min pơ ala mơnuih ƀôn sang djŏp gưl rơwang thun 2026-2031, Khua git gai Ping gah lăi rơđah, mơ̆ng Jơnum lok 10, Ding jum kơđi čar git gai pơhrua tui, lăi pơhmư̆ lu bruă phrâo, biă ñu hơdôm tơlơi pơtrun yôm kiăng lŏn ia đĭ kyar.