Ƀơi mông jơnum, lu tơlơi pơgôp hiăp lăi, tơlơi ngă kơđông prong hloh ră anai ƀu djơ̆ ƀơi tơlơi pơtrun ôh, sit biă ñu lĕ ƀơi bruă ƀing ta ngă. Hơdôm hră pơar ră anai ăt rơngiă mông kơ mơnuih ƀôn sang hăng anom bơwih ƀong mơn; mrô djă pioh hră pơ-ar plah wah hơdôm anom bruă aka ƀu pơtruh nao rai tŭ yua ôh; bruă mă yua boh thâo mrô dŏ ƀiă mơn; lơ̆m anun bruă bơwih brơi hăng pran jua ngă bruă mơ̆ng hơdôm čô mơnuih amăng anom bruă kơnuk kơna aka ƀu djơ̆ hăng tơlơi kiăng ôh.

Yă Hồ Thị Nguyên Thảo, Kơ-iăng khua jơnum min mơnuih ƀôn sang tơring čar Dak Lăk kiăng hơdôm anom bruă, sang să, phường khŏm pơđĭ tui tơlơi gơgrong mơ̆ng ƀing khua lơ̆m pơplih bruă ngă hră pơ-ar; sem lăng glăi, pơhrŏ aset ƀiă, ngă amuñ brơi hră pơ-ar; pơtruh nao rai, kah pơpha tơlơi pơhing, hră pơ-ar djă pioh amăng glông djă pioh dêh čar; dăp glăi, ruah mơnuih ngă bruă thâo rơgơi djơ̆ hăng bruă kiăng ngă./.