Tơlơi gir run hăng gơgrong mơng ƀing kông ñơn pơgôp ngă mơtah, agaih, hiam hăng pơjing plơi prong Đà Lạt jing plơi prong čuă ngui hmư̆ hing, plơi prong Festival bơnga Việt nam, plơi prong pơčeh phrâo UNESCO amăng tơlơi adôh suang, plơi prong rơgơi anăp nao jing plơi pla gru grua rŏng lŏn tơnah. Pơpŭ tơlơi gum pơgôp hrŏm anai, 181 čô kông ñơn hơmâo plơi prong Đà Lạt pơpŭ.

Amăng mông pơpŭ, ơi Nguyễn Thái Học, pơ ala Khua git gai Ping gah tơring čar Lâm Đồng pơdah pran jua lăng yôm hăng pơpŭ hơdôm tơlơi gum pơgôp hơ-et kret kruai mơng ƀing hyu rơmet pơagaih amăng plơi prong, djru pơhlôm brơi plơi prong Đà Lạt agaih, hiam, kơđŏm glăi anŏ hiam amăng pran jua tuai čuă ngui, sit biă ñu amăng blan pơphun Festival bơnga Đà Lạt tal 10 thun 2024. Laih dong, iâu pơthưr mơnuih ƀôn sang gum tơngan hrŏm wai pơgang jum dar hăng hơdôm bruă mă sit nik.