Ƀơi mông ngă lơphet, ƀing khua hơdor glăi gru grua 93 thun hing ang mơ̆ng Khul hlăk ai Hồ Chí Minh hăng hlăk ai Việt Nam, ƀuăn ha pran hăng Lŏn ia, hăng Ping gah, đăo kơnang tơlơi git gai črâo bruă mơ̆ng Ping gah. Lăng yôm pran jua khăp kơ lŏn ia, tơlơi pơmin khin hơtai, gơgrong mă pô, pơ-ư ang djuai ania, pran jua ngă bruă hur har yua kơ mơnuih ƀôn sang, amra kơsung nao pơ anăp, gơgrong ngă bruă phrâo, bruă tơnap.

Ƀrô hrơi anai, Khul hlăk ai dêh čar hơmâo brơi Pri Lý Tự Trọng thun 2024 kơ 100 čô khua hlăk ai rơgơi mơbruă hloh amăng dêh čar. hlâo kơ anun, khua mua hlăk ai nao pơhmư̆ jơlan hơdră “Ngă lơphet 93 thun Hrơi akŏ pơdong khul hlăk ai mut phung rơnuk Hồ Chí Minh hăng Brơi pri Lý Tự Trọng thun 2024” hơmâo nao tŭi ñang, dưm bơnga ƀơi Anih gru đưm Khua git gai Ping gah hơđăp, rơgŏm ơi Trần Phú, Anih hơdor kơ tơhan sông kơtang djai pơsăn drơi Lý Tự Trọng, Anih gru đưm Ngã Ba Đồng Lộc.