Lăi pơthâo hơdôm mơta tơlơi kiăng lăng glăi, pơtong rơđah lơ̆m ngă tui mơ̆ng anai pơ klôn, kiăng thâo ƀuh anŏ dŏ gun kơđông, tơnap tap aka pơsir tong ten lơ̆m pok pơhai ngă hrŏm. Khua git gai pơ ala mơnuih ƀôn sang dêh čar lăi pơthâo 3 mơta bruă yom pioh kơ djop anom bruă pơdjơ̆ nao djru pơgôp hiăp.

Ñu rơkâo kiăng pơblih mơ̆ng tơlơi pơmin “Pơtom hiăp djru kơ bruă ngă giăng mah” jing “pơtom hiăp pơblih ngă anŏ pơđĭ kyar”. Rĭm bruă mă pơtom hiăp khom pơjing rai rơnoh yom pioh pơtrut pơđĭ kyar lŏn ia. Djop anom bruă pơdjơ̆ hrŏm, khom pơtum ngă klă 5 anăp či mă bruă anun lĕ: thâo hluh djơ̆ anih dŏ, bruă mă pơtom hiăp mơ̆ng Sang bruă khua pơ ala mơnuih ƀôn sang dêh čar, ngă atur pơtom hiăp abih bang, hlom bom, phrâo hloh kơ lŏn ia. Khua git gai pơ ala mơnuih ƀôn sang dêh čar pơtrun hiăp brơi lir hơbit tong ten djop mông jơnum sang bruă pơ ala mơnuih ƀôn sang, kiăng pơhưč bruă či ngă hrŏm, ĕp boh thâo ia rơgơi phun, pok prong anih anom sĭ mơdrô kơ lŏn ia, kơtưn pran jua kơtang amăng lăm dêh čar. Ăt amăng mông mă bruă anai mơ̆n, khua mua ding jum pơtom hiăp; jơnum min wai lăng gah ling tơhan, pơgang rơnuk rơnua hăng pơtom hiăp; anom bruă khua pơ ala mơnuih ƀôn sang hơmâo kĭ hră pơkôl ngă hrŏm.