Jơlan hơdră djru brơi tal pơplông thun anai pok pơhai mơng akŏ blan 4 truh abih blan 7 hăng lu bruă gum djru, čung ba ƀing čơđai đơ đam dêh čar  hlâo, amăng tal pơplông hăng tơdơi anun. Truh ră anai, đơ đam tơring čar hơmâo akŏ pơjing 33 grup gum djru gưl tơring čar hăng tơring glông hăng rơbêh 1.000 čô mơnuih mut hrŏm.

Tui anun, rĭm grup amra hơmâo arăng jao bruă phara pơlir hăng rĭm bruă anun lĕ: grup djru amăng plang internet, tơlơi găn rơgao kiăng pơplông mă puang lu hloh, pơtrut pơsur pran jua, djru brơi ƀing čơđai tơnap tap, čơkă čơđai sang hră mut hrăm gưl prong, jao prăk djru hrăm hră brơi ƀing čơđai sang hră tơnap tap… Amăng mông pơphun hơmâo lu bruă mă dik dak anun lĕ črâo brơi kiăng ƀing čơđai hơđong pran yua hăng ĕp tơlơi hrăm, bruă mă lăp djơ̆ hlâo kơ tal pơplông, lu tơlơi ngui ngor adôh suang; hrăm lông lăng ƀơi sang hră gưl prong, akŏ pơjing phrâo 4 grup gum djru “čung ba ƀing čơđai nao pơplông”.