Rơbêh 35.000 čô čơđai tơring čar Dak Lakyak nao hrơi pơplông blung a amăng tal pơplông abih anih 12 thun 2026
Thứ sáu, 10:42, 12/06/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Mơguah lơ 11/6, rơbêh 35.000 čô čơđai tơring čar Dak Lak yak nao hrơi pơplông a amăng tal pơplông abih anih 12 thun 2026. Pơđut hĭ 120 mơnit ngă tơlơi hrăm Ngữ Văn mơguah, lu čơđai tơbiă mơng anih pơplông hăng pran jua hur har mơ-ak. Lu čơđai brơi thâo tơlơi pơplông anai giăm hăng jơlan hơdră pơtô hrăm, črăn đok hluh ăt amuñ hăng gah črăn pơplông nghị luận xã hội ăt ngă lu čơđai sư̆ rơbư̆ mơn.
Tui ĕp lăng ƀơi lu anih pơplông ƀơi Dak Lak brơi ƀuh, tơdơi kơ pơplông giong tơlơi hrăm Ngữ Văn, lu čơđai lêng kơ pơdah pran jua hơđong, hur har mơ-ak. Lu čơđai hơmâo pơlăi nao rai kơ tơlơi pơplông hăng gơyut gơyâo hlâo kơ tơbiă pơdơi, prap lui pơplông tơlơi hrăm tŏ tui dong amăng yang hrơi tlam hăng tơlơi hrăm Toán.
Bruă pơplih ƀơi hơdôm anih pơplông amăng tơring čar Dak Lak hơmâo ngă tui klă, pơhlôm rơnuk rơnua, gêh gal kiăng ƀing čơđai yak nao pơplông tơlơi hrăm tŏ tui hăng pran jua mơ-ak hăng gir run kiăng dưi lu puang hloh.
Viết bình luận