Dak Lak lĕ sa amăng 12 boh tơring čar, ƀôn prong, hơmâo Ding jum kông ang ruah lĕ tơring čar pơphun akŏ pơjing blung a amăng đơ đam dêh čar. Amăng tơring čar Dak Lak hơmâo rơbêh 9.000 čô mơnuih mut hrŏm djru wai pơgang rơnuk rơnua, hơđong amăng ƀon lan dong mơng lơ 1/7.

Nao lăng mông pơƀuh tơhan djru wai pơgang rơnuk rơnua ƀơi ƀon lan amăng tơring čar Dak Lak, Trung tướng Lê Quốc Hùng - Kơ-iăng khua ding jum kông ang lăi pơtong tơlơi yôm mơng tơring čar Dak Lak-Kual Dap kơdư hăng tơlơi yôm amăng bruă wai pơgang rơnuk rơnua, hơđong amăng ƀon lan, pơgôp amăng pơjing kjăp bruă wai pơgang, bruă abih bang djru wai pơgang hăng anăn “Abih bang mơnuih djru wai pơgang lŏn ia”. Kơ-iăng khua ding jum kông ang Lê Quốc Hùng lăi pơtong sa, dua bruă jao phun hăng tơhan wai pơgang rơnuk rơnua amăng ƀon lan hăng djop gưl amăng gơnong bruă ƀơi tơring čar Dak Lak.