Akô̆ blan 4, đơ đam tơring čar hmâo rơbêh kơ 1.000 ektar đang hmua khom pơsir phang khôt hăng 430.000 ektar đang hmua kiăng pruih ia, lu ñu lĕ phun pla sui thun hmâo nua yôm kah hăng: kơphê, tiu hăng djop djuai phun pla pơkon.

Tui hăng Gơnong bruă đang hmua hăng rơhuông adai lŏn mơnai tơring čar Dak Lak, ia ƀơi hơdôm bôh dơnao ia amăng abih bang mrô 620 bôh dơnao ia kŏng mơ̆ng tơring čar hrŏ thu trun mơ̆ng 10-15% bơhmu hăng thun hlâo, 22 bôh dơnao ia thu truh tơl atur ia. Ră anai Sang bruă bơwih ƀong mơnuih ƀôn sang Sa ding kơna wai lăng ring bruă ia jrao Dak Lak glăk pơgang phang khôt kơ 6 ring bruă, hăng abih bang đang hmua kiăng yua ia rơbêh kơ 1.000 ektar. Amăng anun, hmâo 2 ring bruă ƀơi tơring glông Buôn Đôn hmâo ngă giong laih, hăng rơwang prong dưi pơgang lĕ 600 ektar, dô̆ glăi glăk pok pơhai dong bruă pơgăn phang khôt ƀơi hơdôm bôh tơring glông Lak, Krông Năng hăng plơi prong Buôn Hồ./.