Boh tơhnal krăp lăng hăng pơsir hĭ hơdôm tơlơi rơkâo mơ̆ng mơnuih ƀôn sang rơkâo đĭ amăng mông jơnum lok 9, ƀing pơ ala mơnuih ƀôn sang dêh čar tal 15; boh tơhnal bưp mơnuih ƀôn sang, pơsir hră mơnuih ƀôn sang ƀom kiơng amang thun 2025. Sa amăng hơdôm boh yom phun dưi hơmâo ƀing pơ ala mơnuih ƀôn sang đing nao hloh lĕ hơdră ngă tui khut khăt pơhlôm hlâo hăng pơsir tơlơi soh hưp ham ƀong kông ngăn, ƀong prăk la ăt hơmâo boh tơhnal tŭ yua lu ƀiă mơ̆n.

Bruă hơduah ĕp tơlơi soh, tơgŭ kơđi, phat kơđi ƀing ngă soh ƀong prăk la dưi ngă djơ̆ tơlơi phiăn pơkă pơtrun. Lu kơđi tơlơi soh pơprong ƀong kông ngăn, ngă răm ƀăm lu ăt hlăk sem kơđi, tơña pơkhuer tong ten tơlơi soh pioh phat kơđi, ƀu lui kơ sa čô mơnuih ngă soh dŏ gah rơngiao ôh. Ƀing pơ ala mơnuih ƀôn sang rơkâo abih bang amăng anun hơmâo ƀing khua mua ding jum kơđi čar, khul apăn bruă git gai ping gah dêh čar wai lăng ăt khom ngă rơđah djop kơđi hơmâo, kơtưn hơdră wai lăng tơlơi dưi, kiăng hơmâo hơdră pơhlom hlâo tơlơi soh ƀong prăk la, pơhlom tañ, ngă mơ̆ng ataih mơtam.