Bruă kah pơpha gưl, jao tơlơi dưi pơsir bruă hơmâo pơtrut ngă kiăng să phường gơgrong bruă hloh, prăp rơmet mă pô, plai ƀiă rơngiă mông pơkra hră pơ-ar laih anun pơđĭ tui anŏ klă bơwih brơi mơnuih ƀôn sang. Dak Lăk pơphun pơtô pơjuăt brơi rơbêh 15.000 wơ̆t khua mua, mơnuih mă bruă đah mơ̆ng dưi ngă bruă jao. Bruă pơplih ngă hră pơ-ar, ba yua ia rơgơi mrô pơplih klă tui mơn; bruă mă mơ̆ng hơdôm anom bruă ngă hră pơ-ar bơbruai laih.

Ơi Lương Nguyễn Minh Triết, Khua ping gah tơring čar Dak Lăk kiăng djŏp gưl, anom bruă lăng glăi abih, dưm dăp giong anom bruă kơnuk kơna; ječ ameč ruah pơhrua mơnuih ngă bruă; pơtrut kah pơpha gưl ngă bruă, jao tơlơi dưi ngă bruă nao hrŏm hăng pel ĕp, krăp lăng laih anun lăi pơthâo glăi; pơƀut djŏp tơlơi hơmâo či ba yua ia rơgơi mrô./.