Amăng mông ngă lơphet, Khua git gai pơ ala mơnuih ƀôn sang dêh čar ơi Trần Thanh Mẫn rơkâo, mah hiưm hơpă tŭ mơn, tơhan wai pơgang rơnuk rơnua pơtom hiăp lĕ tơhan ngă bruă akĕ phĭ hăng Ping gah, lŏn ia hăng mơnuih ƀôn sang, kiăng djă bong kjăp tơlơi pơkă ngă tui tơlơi git gai klă hloh, ƀơi anăp hăng djop mơta bruă mơng Ping gah, dong ƀơi anăp lĕ Ping gah kông ang dêh čar hăng khua mua Ding jum kông ang; gum hrŏm kjăp hăng hơdôm anom bruă bơdjơ̆ nao.

Khua git gai pơ ala mơnuih ƀôn sang dêh čar pơtă pơtăn pơjing tơhan kông ang mơnuih ƀôn sang lăi hrŏm hăng tơhan wai pơgang rơnuk rơnua pơtom hiăp hnun mơn ngă bruă kjăp hloh, pơplih phrâo. Anih anom mă bruă hơbot, ngă bruă klă, tŭ yua, lăp djơ̆ tơlơi rơkâo bruă jao amăng rŏng lŏn tơnah hơmâo lu bơnah hăng pơplih mrô kơtang tui tŭ tă ră anai. Pơ ala brơi khua mua Ping gah, Kơnuk kơna, Khua git gai pơ ala mơnuih ƀôn sang dêh čar ơi Trần Thanh Mẫn hơmâo jao Miđai Hồ Chí Minh brơi tơhan wai pơgang rơnuk rơnua pơtom hiăp hơmâo pơgiong klă bruă jao, pơgôp amăng bruă ngă hơkrŭ mơng Ping gah, mơng djuai ania ta.