4 grup pơplông rai mơng: Dak Lak, Kon Tum, Bình Phước, Sơn La dưi mut pơplông amăng lăm tal pơplông mơnuih ngă hmua rơgơi thun 2025. Anai lĕ hơdôm grup pơplông rơgơi hloh hơmâo ruah mă mơng hơdôm tal pơplông hlâo anun kiăng kơ ruah hơdôm grup mơnuih ngă hmua pla kơphê rơgơi hloh mut pơplông tal rơnuč. Hăng anăn “Pla kơphê rơgơi”, ƀing nao pơplông găn rơgao 4 črăn: Mơnuih ngă hmua tơkuh pok pơphun, mơnuih ngă hmua rơgơi, mơnuih ngă hmua pơlir hơbit hăng mơnuih ngă hmua lông lăng.

Hluai tui hơdôm črăn pơplông hơmâo pơdah tơlơi thâo thăi, tơlơi găn rơgao hăng thâo mă yua boh thâo phrâo amăng bruă ngă hmua, pla kơphê rơgơi bong glăi ayuh hyiăng pơplih sat hăng hơdôm bruă bơdjơ̆ nao bruă pơkra pơjing, sĭ mơdrô, pơlir bơwih ƀong, ngă hmua hơmâo hră pơsit, pơjing hăng pơđĭ kyar bruă pơlir hơbit amăng gơnong bruă kơphê Việt Nam.