Tui hăng hră lăi pơthâo, thun 2024, mah bưp lu tơlơi tơnap tap, samơ̆ Dak Nông ăt tŭ mă boh tơhnal lăp bơni biă mă bơwih ƀong huă mơnuih mơnam. Mă yua prăk tuh pơ alin kơ bruă čar ƀơi Dak Nông dong mrô sa ƀơi kual Dap Kơdư, hăng mrô rơnoh 90% amăng rơnoh prăk abih tih 3.500 klai prăk tui akŏ bruă. Pơhrŏ ƀun rin ăt djă hơnơ̆ng dong mrô sa amăng dêh čar, ră anai dŏ 3% mrô sang anŏ ƀun rin. Djơ̆ bơyan djơ̆ rơnoh gơnam tam boh troh đang hmua kah hăng kơphê, tiu, sầu riêng djru mơnuih ƀôn sang pơhrui glăi prăk kăk lu hloh mơ̆ng hlâo aka ƀu hơmâo djơ̆ ôh, ră anai pơkă dưm dưm sa čô mơnuih pơhrui glăi rơbêh 81 klăk prăk sa thun, sa čô, dong tal dua ƀơi kual Dap Kơdư, tơdơi kơ Lâm Đồng đôč.

Ơi Hồ Văn Mười, Khua tơring čar Dak Nông brơi thâo, thun 2025, tơring čar amra pok pơhai man pơdong mơ̆ng 1 truh 4 boh sang măi pơkra  eh pơsơi  bosit-alumin-ñôm, rơnoh prăk lơ̆m sa boh sang măi truh 1 klai dolar Mi. Hăng rơnoh prăk tuh pơ alin năng ai 8 klai dolar Mi, amra ngă gêh găl brơi tơring čar Dak Nông pơđĭ kyar kơtang hloh kơñ pơgi anai.