Mơ̆ng kơnôl 5/6 truh ră anai, ƀing ling tơhan tơring čar Quảng Ngãi hơmâo hyu klơi ĕp, ƀơi akiăng jơlan  plăng ia rô, pơkă hăng măi hrip ƀơi gŭ lŏn amăng pơsat gong kut dor tơhan djai pơsăn drơi amăng phường Đak Kâm hăng ter jơlan Trường Chinh pioh hrip lăng, hơduah ĕp tơlang ƀing tơhan djai pơsăn drơi yua kơ lŏn ia.

Ƀing tơhan mă bruă ba nao 3 boh rơdêh tuah lŏn, rơdêh pơgiăng gơnam, 3 boh măi radar hrip amăng lŏn hrŏm hăng lu mơta gơnam yua hyu sem anih pơsat arăng dor tơhan djai pơsăn drơi jăn đưm adih, kiăng hyu sem. Truh mơguah kơnôl 29/6, ƀing tơhan mơ̆ng lu sang bruă kơnuk kơna ĕp ƀuh hăng rŭ kuai mă 1 per tơlang tơhan djai pơsăn drơi laih anun ba glăi dưm amăng sang jôk mơyut jăng jai pioh ngă yang h'ŭ bơngăt atâo. Nao ĕp lăng anih klơi mă anun, ba yua măi mok tui ia rơgơi tong ten, hyu hrip hơduah ĕp amăng gŭ lŏn, ƀu lui sa črăn hơgĕt ôh, wơ̆t gơnam hơmâo amăng anih dor mơnuih djai đưm adih, dañ ba abih, ba glăi sem lăng, kiăng thâo anăn krăn pô laih anun pơgang klă kơ ƀing dŏ mă bruă hyu duñ mă tơlang tơleh anun.