Jao hră pơsit hăng đĭ pơhiăp amăng mông jơnum, Khua mir sir lăi pơtong, tơlơi pơsit ruah mơnuih apăn bruă anai lĕ tơlơi pơ-ư ang prong prin hăng ơi Trịnh Văn Quyết, tơlơi hok mơ-ak hrŏm mơng Ping gah ling tơhan, Ding jum ling tơhan; laih dong anom bruă kơđi čar ling tơhan Việt Nam kah hăng abih bang ling tơhan; laih dong pơdah tơlơi đăo gơnang, đing nao mơng Ping gah, kơnuk kơna, mơnuih ƀôn sang hăng khul ling tơhan; tơlơi tŭ yap, lăng yôm hơdôm tơlơi gum pơgôp mơng ơi Trịnh Văn Quyết amăng bruă Ping gah, bruă kơđi čar amăng khul ling tơhan hơdôm thun laih rơgao.

Đĭ pơhiăp amăng mông đĭ apăn bruă, Thượng tướng Trịnh Văn Quyết ƀuăn amra gir run, pơhrăm ñu pô, tŏ tui kjăp amăng bruă kơđi čar, ba glăi tơlơi đăo gơnang mơng sa čô mơnuih apăn bruă Ping gah, gir run hrăm hăng ngă tui tơlơi pơmĭn, bruă mă, tơlơi hơdip mơng Hồ Chí Minh, hơdip tui gru ngă hơkrŭ mơng ƀing apăn bruă Ping gah amăng rơwang phrâo, amra tŭ mă hăng pơgiong djop bruă jao hơmâo Ping gah, Kơnuk kơna, ling tơhan hăng mơnuih ƀôn sang jao.