Ƀơi mông mă bruă hăng Jơnum min mơnuih ƀôn sang tơring čar Dak Nông lơ 08/04, Group mă hơdăng_kông ngăn amăng lŏn tơnah Việt Nam iâu klah čun (TKV) lăi pơthâo akŏ bruă hyu ĕp, klơi mă, pơkra ming eh pơkra amăng gŭ lŏn mơ̆ng thun 2021-2030 laih anun pok pơhai bruă mă ĕp eh pơsơi Bauxit mơ̆ng TKV amăng tơring čar.

Tui hăng anun, TKV hơmâo pioh lui 1000 klai prăk kiăng hyu ĕp mă amăng luh eh pơsơi Bauxit ƀơi tơring čar Dak Nông, prăp lui gơnam yua, mă bruă pok pơhai ĕp mă eh pơsơi bauxit-alumin-ñôm ƀơi tơring čar anai.

TKV đăo kơnang mơ̆ng hơdôm kơčăo bruă anai laih anun ƀuăn amra pok pơhai tañ mơ̆n. Ƀơi mông mă bruă, Khua mua Group mă hơdăng-kông ngăn amăng lŏn tơnah Việt Nam (TKV) lăi pơthâo mơ̆n anŏ tơnap tap, gun gan amăng bruă pok pơhai kơčăo bruă anai thun blan rơgao, hăng hơdôm kơčăo bruă pok pơhai amăng tơring čar pơ anăp hăng rơkâo ngă tui hơdôm boh yôm phun pơdjơ̆ nao kơ bruă hyu hơduah ĕp, rŭ đĭ, pơkra ming hăng mă yua eh pơsơi bauxit, alumin, ñôm.