Tơhan K51 (Dak Lăk) nao ĕp, kuai rŭ tơhang tơhan djai drơi ƀơi čar Kur
Thứ năm, 15:53, 17/09/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Ngă tui “Bruă mă 500 hrơi mlăm”, mơguah kơnôl 16/9, Khul git gai hyu ĕp, kuai rŭ đĭ tơlang hăng pơsit anăn krăn pô tơhan djai drơi kơ lŏn ia (Khul git gai 515) tơring čar Dak Lăk pơphun ba tơhan nao mă bruă, jao bruă kơ Tơhan K51 hyu ĕp, kuai rŭ đĭ tơlang tơhan hăng ƀing kơhnâo mơ̆ng Việt Nam djai pơ dêh čar Kur đưm adih, bơyan phang thun 2026-2027.
Pơhiăp lơ̆m jao bruă mă, ơi Đào Mỹ, Kơ-iăng khua Jơnum min mơnuih ƀôn sang tơring čar, Khua khul git gai 515 tơring čar Dak Lăk, kiăng Tơhan K51 bong kjăp pran jua, ngă tui tơlơi phiăn mơ̆ng ling tơhan, tơlơi pơkă rơnuk rơnua, hăng tơlơi phiăn mơ̆ng dêh čar Kur; laih dong ngă hrŏm hăng tơhan apăn bruă, gong gai dêh čar Kur lơ̆m ngă bruă.
Khua mua tơring čar Dak Lăk ăt kiăng anom bruă pơtom hiăp gah ling tơhan, iâu pơthưr mơnuih ƀôn sang, djru ngă kjăp tui tơlơi rô nao rai, gum pơgôp plah wah Việt Nam - Kur. Pơ ala kơ Grup tơhan K51 pơsit, gir găn rơgao tơnap tap, hyu ĕp djơ̆ lăp, rơnuk rơnua, ba glăi lu ƀiă tơlang tơhan djai drơi kơ lŏn ia, glăi pơ Lŏn ia ta./.
Viết bình luận