Kiăng pơphun tal pơplông hăng pơmut hrăm gưl prong, pơtô bruă mă thun 2023, Khua dêh čar rơkâo Ding jum pơtô pơjuăt, djop ding jum, gơnong bruă bơkơnar ding jum, anom bruă gah Kơnuk kơna, Jơnum min mơnuih ƀon sang hơdôm boh tơring čar, ƀôn prong gah gơnong glông ngă tui djơ̆ mơta bruă jao, amăng anun, hăng Ding jum pơtô pơjuăt: Hơmâo tơlơi pơtrun djop, hmao tlôn hơdôm hră pơ-ar črâo ba, akŏ bruă pơphun pơplông abih anih 12 hăng pơmut hrăm gưl prong, cao đẳng, hăng gơnong bruă pơtô hrăm sang hră čơđai anet; pơhlôm tal pơplông hơđong, tơpă sit, djơ̆ hăng tơlơi rơkâo mơng tal pơplông hăng pơmut hrăm gưl prong.

Hăng Jơnum min mơnuih ƀon sang hơdôm boh tơring čar, ƀôn prong; git gai pơphun ngă tui hăng glăm ba djop mơta kơ tal pơplông ƀơi ƀon lan. Ngă gêh gal brơi kơ bruă nao rai, anih pơdơi ƀong huă brơi ƀing čơđai hăng ƀing amĭ ama gơñu ƀơi hơdôm anih pơplông, sit biă ñu lĕ ƀing čơđai sang anŏ tơnap tap, kual ataih, asuek, kual mơnuih djuai ania ƀiă, kual čư̆ siăng hăng giăm guai, bul pơtâo.