Amăng mông bơkơtuai, Khua dêh čar Anthony Albanese bơni Khua dêh čar ta Phạm Minh Chính tal blung a čuă sit nik Australia; pơsit yôm tơlơi gum hơgôp klă mơ̆ng grŭp Việt Nam amăng truh kih hrŏm mơ̆ng Jơnum gưl dlông pha ra hơdor glăi 50 thun hrơi rô nao rai ASEAN – Australia pơphun ƀơi Mel Bourne mơ̆ng lơ 5-6/3 phrâo rơgao.

Dua gơñu lăi pơthâo nao rai, tŭ ư hrŏm gum hrŏm kơjăp pioh ngă tui 06 jơlan gah prong pioh ngă brơi bruă gum hrŏm amăng lu bruă nao dơlăm, ba glăi bôh tơhnal, sit nik hloh. Tơdơi kơ bơkơtuai, dua gơñu jao laih Tơlơi lăi pơtŏng hrŏm kơ pơđĭ tui tơlơi rô nao rai truh rơnoh gum hrŏm abih bang kơplah wah Việt Nam hăng Australia hăng tơlơi ngă lơphet jao 11 mơta hră pơ-ar gum hrŏm amăng lu bruă pơtô pơhrăm; wai lăng tơlơi rơnuk rơnua; pơgang mơnuih blơi yua gơnam; pơtrut sĭ mơdrô, tuh pơplai; bôh thâo phrâo – hơdră mă yua măi mok, pơplih phrâo pơčeh phrâo; prăk kak; sang prăk; kơsem min bôh thâo phrâo pioh pơđĭ kyar bruă đang hmua, đang kyâo, akan hơdang; mơnuih mă bruă; kông ngăn glai klô hăng apui yua, lŏn čuah bôh pơtâo./.