50 thun tơdơi kơ hrơi tlaih rơngai, mơ̆ng sa plơi prong blah ngă, tơdơi kơ ha mơkrah rơnuk thun Buôn Ma thuột, tơring čar Dak Lak hrưn đĭ jing anih anom phun kơphê mơ̆ng Việt Nam, dik dăk kơ jua čing hơgor čơkă mơ-ak tuai nao pơhmư̆ mông Jơnum ngui kơphê. Anai ăt jing sa anih anom phun bơwih ƀong, kơsem min bôh thâo phrâo măi mok đang hmua mơ̆ng Dap Kơdư. 50 thun hlâo, bruă blah pơtlaih rơngai Buôn Ma Thuột jing pok phun kơ bơyan bơnga truh kih, Buôn Ma Thuột klă hiam ră anai lĕ bôh tơhnal ha mơkrah rơnuk thun rơnuk rơnua, rơngai hăng pơlir hơbit. Mơ̆ng anai, plơi prong pơphun bruă phrâo, bruă mă mơ̆ng pơđĭ kyar hăng mut hrŏm, jing anih nao mơ̆ng kơphê rŏng lon tơnah.

Hlâo kơ anun, pơdă prưng rup tum pơƀut hmâo pok phun ƀơi plơi prong Buôn Ma Thuột, mut hrŏm tơlơi dik dăk mơ̆ng hơdôm bruă mă amăng rơwang Jơnum ngui kơphê tal 9 glăk pơphun ƀơi tơring čar Dak Lak. Pơphun mơ̆ng ră anai truh abih lơ 15/3 pơ̆ anăp, bruă pơdă prưng “Ia ayom tum pơƀut” dưm ƀơi đang bơnga plơi prong Buôn Ma Thuột, ƀơi jơlan phun nao pơ̆ hơdôm anih anom pơphun hơdôm bruă mă amăng rơwang Jơnum ngui kơphê; pơdă prưng 150 mơta rup mơ̆ng ƀing thâo čơphin rup ƀơi 5 bôh tơring car Dak Lak, Dak Nông, Gia Lai, Hải Dương hăng Phú Yên. Hơdôm gru rup pơdah rơđah hơdôm anih anom hiam, gru hiam phara, tâ̆o klă hăng bôh thâo đưm phara mơng rim kual lŏn. Anai ăt lĕ tơlơi jơnum ngui tŭ yua čơkă mơ-ak 50 thun tlaih rơngai Buôn Ma Thuột, tlaih rơngai tơring čar Dak Lak; djru dong bruă mă lu mơta amăng rơwang Jơnum ngui Kơphê Buôn Ma Thuột tal 9 thun 2025./.