Pơhiăp amăng mông ngă lơphet, ơi Lưu Văn Trung, Kơ-iăng Khua git gai Ping gah tơring čar, Khua Khul pơ ala mơnuih ƀôn sang tơring čar pioh yak rơgao sa thun tơnap tap, ba glăi lu bôh tơhnal amăng djop bruă. Amăng anun, ƀuh rơđah lĕ Dak Nông hmâo pơphun truh kih mông ngă lơphet hơdor glăi 20 thun pơdŏng glăi hăng čơkă mă Miđai rơngai dăp tal Sa; mrô PCI mơ̆ng tơring čar đĭ 17 črăn, dăp tal 21 đơ đam dêh čar.

Amăng mông Jơnum klah čun bruă pôr čih tơlơi pơhing, Ping gah tơring čar Dak Nông hmâo pơphun ƀơk pri Búa Liềm Vàng tal 9, thun 2024 kơ 33 mơta tơlơi čih thâo hloh mơ̆ng 63 mơta tơlơi čih pơplông. Ƀirô pơdŏng ƀơi Dap Kơdư, Gong phun jua pơhiăp dêh čar Việt Nam hmâo mă 3 pri gah pơtui jua pơhiăp, amăng anun hmâo: pri B hăng tơlơi čih “Ba mơnuih ping gah ling tơhan nao pơ̆ plơi pla, tơlơi găn rơgao mơ̆ng Dak Nông”, pri C hăng tơlơi čih “Pơđĭ dlông kơjăp bruă jơnum ping gah amăng kual djuai ania ƀiă ƀơi Dak Nông” hăng pri pơtrut pơsur hăng tơlơi čih “Bư̆ bôr đĭ tơlơi kiăng khăp Lŏn ia tui hơdôm tơlơi hrăm guai dêh čar”./.