Khua pơ ala Đặng Hoàng Giang pơtŏng sit, Việt Nam lăng yôm na nao hăng dưm bruă pơgang hăng bơwih brơi kơ čơđai muai nao hlâo amăng bruă pơđĭ kyar bơwih ƀong – mơnuih mơnam mơ̆ng lŏn ia, pioh djop ngăn rơnoh kiăng hloh tuh pơplai kơ tơlơi pơđĭ kyar mơ̆ng čơđai muai. Yă June Kunugi pơsit yôm hơdôm bôh than Việt Nam hmâo laih amăng giăm 40 thun ngă tui bruă Pơplih phrâo, lăng anun lĕ gru than pioh Việt Nam hmâo hơdôm bôh tơhnal klă lăp pơsur amăng bơwih brơi hăng pơgang čơđai muai.

Amăng mông tŭ jum, dua bơnah tŭ ư hrŏm gum pơphun bruă mă hơdor glăi 50 thun tơlơi rô nao rai gum hrom Việt Nam – UNICEF, ăt kah hăng lăi pơthâo nao rai hơdôm bruă pioh pơđĭ tui bôh tơhnal bruă mă mơ̆ng UNICEF amăng iâo pơhrui ngăn rơnoh, ngă tui hơdôm jơlan hơdră, rơwang bruă, pơtrut gum hrŏm, gum hrŏm kual ASIA – Thái Bình Dương./.