Hơdôm tơlơi ba tơbiă hrŏm hơmâo: Lăi pơthâo ngă dlăm tui tơlơi rô nao rai ngă gŏp yom abih bang hlom bom Việt Nam - Australia; Tơlơi lăi pơthâo dưi bong glăi tơlơi rung răng,  rŭ glăi tơlơi bơwih ƀong Việt Nam - Australia; Tơlơi lăi pơthâo kơ pơtruh nao rai kơtang gah boh thâo ia rơgơi, hăng pơplih pơčeh phrâo plah wah Việt Nam hăng Australia. Hơdôm hră pơar lăi nao lu bruă mă, hơmâo hră čih pioh bruă ngă hrŏm gah đang hmua, hăng đĭ kyar plơi pla hơđong, ngă tui tơlơi phiăn ƀơi ia rơsĭ, ngă hrŏm hăng djru nao rai bruă pơgang guai, ngă hrŏm pơtô bruă mă, ia jrao, bruă bơwih ƀong mrô hăng ngă hrŏm gah rơdêh por.

Tal nao čuă jơmư pơ Australia mơ̆ng Khua ping gah, Khua mir sir ơi Tô Lâm hăng khua mua mơ̆ng Việt Nam hơmâo ngă kjăp hăng pơđĭ tui anŏ đăo kơnang kơđi čar gưl prong hloh, pơjing rai tơlơi pơplih kơtang kơ bruă pok pơhai tŭ yua jơlan gah Gŏp ngă hrŏm abih bang bruă, laih dong hơmâo pơƀuh rơđah bruă hơget kiăng ngă hlâo pơ anăp anai; ngă gêh găl kiăng khua mua dua boh dêh čar pơčrông dlăm hloh kơ hơdôm bruă hơmâo amăng kual hăng ƀơi jar kmar lăp đing nao, ngă hrŏm ƀơi hơdôm mông jơnum, kĭ pơkôl lu bơnah, mơ̆ng anun ƀuăn hrŏm hăng tơlơi rơngai, hơđong, ngă hrŏm hăng đĭ kyar hơđong kjăp ƀơi kual hăng ƀơi rŏng lŏn./.