Mông pok pơphun hơmâo tơlơi mut hrŏm mơng Khua dêh čar ơi Lê Minh Hưng, Khua dêh čar pă boh dêh čar kual ASEAN hơmâo Khua dêh čar Lao Sonexay Siphandone, Khua dêh čar Kur Hun Manet, Khua dêh čar Thái Lan Anutin Charnvirakul hăng Khua dêh čar Timor Leste Kay Rala Xanana Gusmão. Amăng mông jơnum, Khua dêh čar ơi Lê Minh Hưng pok pơphun hăng tơlơi tơña blung a, anun lĕ amăng rŏng lŏn tơnah glăk pơplih kơtang, bruă kiăng ngă ră anai ƀu djơ̆ kơnong lĕ ASEAN amra pơhlôm pơgang glăi hiưm pă, mơ̆ ASEAN amra pơjing hiưm pă tơlơi hơdip kơñ pơgi ni anăp kơ ƀing ta amăng rơnuk thun 21 ? Lăng glăi 59 thun akŏ pơjing hăng pơđĭ kyar, Khua dêh čar lăi pơtong lĕ glông jơlan akŏ pơjing tơlơi hơdip kơñ pơgi mơng kual ASEAN hăng brơi thâo hơdôm hơpluh thun pơ anăp amra jing thun blan pơjing tơlơi hơdip kơñ pơgi mơng ASEAN amăng rŏng lŏn tơnah mơ̆ boh thâo ia rơgơi amra pơsit tong glăi bruă mă, tơlơi pơhing djă pioh, pơtong glăi kơdrưh ang hăng boh thâo ia rơgơi glăk pơtong glăi hơbô̆ bruă pơđĭ kyar.

Pơsit tong tơlơi yôm prong mơng kual ASEAN amăng hơdôm hơpluh thun pơ anăp amra pơsit sa kual gum pơgôp hăng gơgrong mă amra mut hrŏm amăng bruă pơjing tơlơi hơdip rơnuk rơnua, ngă hrŏm hăng pơđĭ kyar amăng kual hăng rŏng lŏn tơnah…Khua dêh čar lăi pơtong: Việt Nam ƀuăn tŏ tui gum hrŏm hăng ASEAN hăng pran pơjing tơlơi hơdip kơñ pơgi, yua tơlơi kơñ pơgi ƀơi Việt Nam pơlir hăng tơlơi hơdip kơñ pơgi mơng kual ASEAN kah hăng pơlir hăng bruă pơhlôm rơnuk rơnua, hơđong hăng pơdrong sah amăng kual.