Ƀơi mông bưp hăng Khua git gai pơ ala mơnuih ƀon sang dêh čar Hàn Quốc, Kơ-iăng khua git gai pơ ala mơnuih ƀon sang dêh čar ta ơi Nguyễn Đức Hải pơsit, Việt Nam lêng kơ lăng yôm tơlơi pơđĭ kyar ngă hrŏm hăng Hàn Quốc laih anun čang rơmang kiăng dua bơnah gum ngă dlăm hloh tơlơi rô nao rai ngă hrŏm abih bang, mơng anun pok rai rơwang đĭ kyar phrâo sit nik, tŭ yua hloh amăng hrơi blan pơ anăp.

Kiăng pơtrut tui tơlơi ngă hrŏm kơplah wah hơdôm anom bruă čih tơlơi phiăn dua boh dêh čar jai hrơi kơjăp tui, Kơ-iăng khua git gai pơ ala mơnuih ƀon sang dêh čar ơi Nguyễn Đức Hải kiăng dua bơnah sem lăng pơhrua tui hơdôm tơlơi ngă hrŏm kiăo tui hră kĭ pơkôl mơng dua ƀirô mơng thun 2013, ngă hrŏm hloh, dong yua nao rai amăng djŏp mông jơnum khua mua pơ ala mơnuih ƀon sang amăng kual hăng ƀơi rŏng lŏn tơnah, gum djă bong tơlơi rơngai, rơnuk rơnua, hơđong kơjăp amăng kual hăng ƀơi rŏng lŏn tơnah.