Amăng mông bưp, Kơ-iăng khua mir sir lăng yôm tơlơi ngă hrŏm, gum djru mơng UNICEF brơi kơ Việt Nam giăm 50 thun laih rơgao amăng pơjing hăng pok pơhai hơdôm tơlơi črâo trun, hơdră bruă amăng djru ba, pơtô pơjuăt hăng pơgang ƀing čơđai. Khua wai lăng UNICEF pơsit tong amra abih pran ngă hrŏm, djru brơi Việt Nam tŏ tui pok pơhai Jơlan hơdră dêh čar Việt Nam-UNICEF rơwang thun 2022-2026 hăng pơhlôm jai hrơi klă ƀiă dong amăng bruă djru brơi ƀing čơđai, sit biă ñu amăng pơtô pơjuăt, ia jrao, pơhlôm mơnong ƀong huă, hơmâo ia mơñum hơdjă hăng agaih rơnăk.

Dua bơnah tŭ ư pơtrut tơlơi rô nao rai ngă hrŏm kơplah wah Việt Nam hăng UNICEF kiăng djru brơi Việt Nam hơmâo lu tơlơi dưi ƀiă dong amăng bruă djru ba hăng pơgang brơi ƀing čơđai, kah hăng pơgôp amăng tơlơi gir run hrŏm amăng rŏng lŏn tơnah amăng djop mơta bruă, lăp djơ̆ hăng kơdrưh ang jai hrơi prong tui mơng Việt Nam.