Khua dêh čar lăi, amăng hrơi mông rŏng lŏn tơnah hăng amăng kual hơmâo lu tơlơi rung răng, dua boh dêh čar kiăng đăo kơnang kơđi čar, pok prong ngă hrŏm sit nik, tŭ yua, klă kơ dua bơnah. Amăng anun, ngă hrŏm plah wah hơdôm boh tơring jing yom biă mă, pơtruh nao rai, pơbưp mơnuih ƀôn sang laih anun hơmâo tơlơi găl ngă hrŏm kơ sang bruă mơdrô.

Mông jơnum thun anai pơƀut lăi nao hơdôm bruă dua bơnah dưi ngă hloh kah hăng mơnuih mă bruă rơgơi, bruă mă, ia jrao, gru grua hăng čơkă tuai hyu ngui. Anai ăt jing hrơi kiăng hơdôm boh tơring ƀơi Việt Nam hăng Japan pơthâo brơi anŏ djơ̆, tơlơi rơgơi, hyu ĕp bruă či ngă hrŏm phrâo dong. Khua dêh čar ơi Lê Minh Hưng lăi, Việt Nam lăng Japan jing gŏp ngă hrŏm yom, čang rơmang hrŏm hăng Japan ba tơlơi rô nao rai jai hrơi dlăm hloh, ba glăi boh tŭ yua kơ mơnuih ƀôn sang hăng sang bruă bơwih ƀong dua boh dêh čar./.