Việt Nam-Lao pơtrut ngă hrŏm yôm phăn, anăp nao pơđĭ kyar tŭ yua
Thứ hai, 14:11, 08/06/2026
VOV/Siu Đoan Pơblang
VOV/Siu Đoan Pơblang
VOV.Jarai-Tŭ ư hăng tơlơi jak iâu mơng Khua dêh čar ơi Lê Minh Hưng, tlam lơ 7/6, Khua dêh čar Lao ơi Xỏn-xay Xi-phăn-đon ba jơlan hlâo grup khua mua pơprong mơng dêh čar Lao nao pơ Hà Nội, pơphun nao čuă sit nik dêh čar Việt Nam.
Tơdơi kơ mông čơkă ƀơi Ƀirô Kơnuk kơna, dua čô khua dêh čar hơmâo mông bokơtuai hăng pơsit tong tơlơi gir run tŏ pơtrut tơlơi rô nao rai giang mah hiam klă, gum pơgôp, ngă hrŏm djop mơta hăng pơlir hơbit kơplah wah Việt Nam-lao. Dua bơnah lăng yôm hơdôm boh than ngă hrŏm amăng hrơi blan rơgao, laih dong bơtŭ ư tŏ tui ba than ba glăi mơng hơdôm hơdră ngă hrŏm, pok pơhai khut khăt hơdôm tơlơi pơkôl gưl glông hăng tơlơi pơkôl ngă hrŏm dua bơnah rơwang thun 2026-2030.
Kơ tơlơi bơwih ƀong huă, dua boh dêh čar tŭ ư pơtrut kơtang mơng ngă hrŏm giang mah hơdai nao ngă hrŏm tŭ yua, pơđĭ kyar hrŏm; đing nao hơdôm akŏ bruă yôm phun anun lĕ jơlan rơdêh đuăi hmar Hà Nội-Viêng Chăn, jơlan rơdêh treng Vũng Áng-Viêng Chăn, pơgôp kơtưn pơlir amăng kual.
Viết bình luận