Anai lĕ tal bưp nao rai gưl khua mua ding jum pơtom hiăp blung a plah wah Việt Nam hăng Mi yap mơ̆ng dua bơnah akŏ pơjing glăi bruă ngă giăng mah yôm hloh hlom bom. Khua ding jum ơi Bùi Thanh Sơn lăi pơtong, dêh čar Mi lĕ bơnah ngă hrŏm yôm hloh mơ̆ng Việt Nam, lăi pơtong Việt Nam amra hrŏm hăng dêh čar Mi pok pơhai ngă tui hră pơkôl ngă hrŏm hlom bom tŭ yua, tong ten, hơđong.

Dua čô khua ding jum ăt pơčrong sai kơ bruă pơtrut tui bruă bưp nao rai khua mua ding jum pơtom hiăp, kiăng kơtưn bruă ngă tong ten mơ̆ng dua boh ding jum pơtom hiăp, pok pơhai ngă tui tơlơi pơkôl mơ̆ng khua mua pơprong; hơdôm tơlơi phiăn pơkă kơ bruă ngă hrŏm ră anai, amăng anun hơmâo tơlơi pơtom hiăp bruă kơđi čar, pơgang rơnuk rơnua hăng hơđong lŏn ia, bưp nao rai khua mua ling tơhan, bưp khua mua wai pơgang tơlơi dưi ană mơnuih; tŭ ư ngă hrŏm pơphun lu bruă mă hơdor glăi tal 30 thun dua boh dêh čar ngă mơak nao rai či pơphun amăng thun 2025.