Khul apăn bruă Ping gah, Khua pơ ala mơnuih ƀon sang dêh čar, Khua mir sir, Kơnuk kơna hăng jơnum min djop djuai ania mơnuih mơnam Việt Nam phrâo ba tơbiă tơlơi lăi pơthâo kơ bruă: Ơi Saysomphone Phomvihane, Ding kơna Ding jum kơđi čar Ping gah mơnuih ƀôn sang ngă hơkrŭ dêh čar Lao, Khua git gai pơ ala mơnuih ƀôn sang dêh čar Lao, rơngiă kơnôl 8/8/2026, lơm 70 thun.

Kiăng pơdah pran hning rơngô̆t tơlơi rơngiă mơng ơi Saysomphone Phomvihane hăng pơdah tơlơi rô nao rai yôm phăn kơplah wah Việt Nam-Lao, Khul apăn bruă Ping gah Cộng sản Việt Nam, Khua pơ ala mơnuih ƀon sang dêh čar Việt Nam, Khua mir sir dêh čar Việt Nam, Kơnuk kơna Việt Nam hăng Jơnum min djop djuai ania mơnuih mơnam Việt Nam pơsit pioh hrơi mơyut jôk kơ ơi Saysomphone Phomvihane gưl dêh čar amăng 2 hrơi, dong mơng kơnôl 10-11/8/2026. Amăng hơdôm hrơi mơyut jôk, hơdôm anom bruă amăng đơ đam dêh čar hăng anom bruă pơ ala dêh čar Việt Nam pơ tač rơngiao tol akhăn gru, lui hĭ pơphun hơdôm tơlơi ngui ngor amăng mơnuih mơnam.