Khua git gai Ping gah tơring čar Dak Lak tŭ yap hăng lăng yôm hơdôm tơlơi pơgôp mơng Gong phun jua pơhiăp dêh čar Việt Nam (VOV) lăi hrŏm hăng anom bruă ƀơi kual Dap kơdư lăi phara hăng bruă pơjing Ping gah, pơjing anih anom kơđi čar hăng pơđĭ kyar bơwih ƀong huă-mơnuih mơnam amăng tơring čar Dak Lak amăng hrơi blan rơgao, Ñu brơi thâo, hơdôm jơlan hơdră, tơlơi pơhing, tơlơi čih mơng VOV hơmâo pơƀuh brơi tong ten hơdôm bruă bơwih ƀong huă-mơnuih mơnam, tơlơi hơdip mơda mơnuih ƀôn sang djop djuai ania amăng tơring čar; gum hrŏm amăng bruă pơjing Ping gah, pơjing anih anom kơđi čar hăng git gai bruă mă.

Hăng tơlơi gal prong lĕ anom pôr pơhing, VOV hơmâo ba tơlơi črâo trun, hơdră bruă mơng Ping gah hăng Kơnuk kơna jê̆ giăm hăng kual ataih, asuek, pơhlôm hơđong bruă kơđi čar-mơnuih mơnam amăng ƀon lan. Khua git gai Ping gah tơring čar Dak Lak čang rơmang VOV tŏ tui tơlơi gal, pơtrut pôr pơhing djop mơta kơ bruă git gai, wai lăng amăng tơring čar; lăi pơthâo tơlơi kiăng, tơlơi čang rơmang sit nik mơng mơnuih ƀôn sang; ngă lar hyu hơbô̆ bruă klă, bruă ba glăi tŭ yua hăng gum hrŏm ƀon lan amăng glông jơlan pơđĭ kyar.